CLICK HERE FOR THOUSANDS OF FREE BLOGGER TEMPLATES »

Friday, October 17, 2008

فستان وبنفسجى كمان






بتعدى ادامى واحدة لابسة تونيك بنفسجى موديل دبدوبة الطخينة (اللى بتبقى ضيقة من فوق
ونازلة على واسع اوى )، سألت البنت اللى جنبى ، يعنى ايه بنفسجى ، هوه فى حد لسة بيلبس بنفسجى ؟؟؟ ، قالتلى اللون البنفسجى دا كان موجود زمان ايام جدو ، حتى كان عندهم خضار كدة اسمه بتنجان رومى ، كان لونه بنفسجى ، بس انقرض الخضار وانقرض معاه اللون .وبتتلفت البنت اللى لابسة تونيك بنفسجى بأصة دبدوبة الطخينة


وبتدينى وشها ، وانا اتفزع اصلى بأكرهها اوى ،

واقول : ياساتر ، دى البت اللى معانا فى السكشن اللى بتعمل أوصة من تحت الطرحة وتقعد كل شوية تدخلها ، ال يعنى الاوصة بتتزحلق ,

كان من نصيبى إن البنت دى كانت تبع الشلة بتاعت التلت بنات اللى كنت عايزة اتصاحب عليهم ، بس برده ماكنتش طيقاها رغم انتسابى لشلتها ، واكتر حاجة كانت مكرهانى فيها انها كانت طالعة الأولى وكانت من النوع اللى بيقعد فى الاول ويقعد بدل مايقول يابنت يقول ياميدشن ، بيبرتم ألمانى كتير يعنى ، انا باكره مووووووووت النوع دا .

المشكلة إنه كان باين عليها برده انها كرهانى اوووووووى ،

ودا بان اوى لما فى مرة دخلت الشئون علشان اعمل الكارنية ، وانا لأنى رفيعة الناس كلها بتقف فى الطابور وانا باسلك على طول واعمل الكارنيه واخرج فى اقل من دقيقة ، فالهانم دى كانت عمالة بتحقد عليا اوى ، وعمالة تقول :بصوا السوسة دخلت بسرعة اذاى ، ثوانى وخلصت اللى عايزاه ، وهاتك كلام من دا


قعدت فترة كبيرة مش طايقاها ، لغاية لما حجزنا فى المعسكر بتاع مرسى مطروح ، وفعلا روحنا وهناك طبعا الحياة بتجبرك انك تتعامل مع ناس مش عايز تتعامل معاهم ، لأننا نايمين , صاحيين , شاربين ، واكلين ,إلخ مع بعض ، وبالتالى اتعاملت معاها ، فعلا عرفتها على حقيقتها .

مانساش ابدا اليوم اللى كنا فيه فى شاطىء (مش فاكرة كان شاطىء ايه ) وكان فى صخرة فى وسط البحر قعدت انا وهيه ندوس على الصخور ورجلينا بقت عاهات عوقبال لما وصلنا للصخرة دى ، زيى ماتكون كانت بتنادى علينا ، او جايز برده يكون قلبنا طلعلها سهم ،

المهم اول ماوصلنالها قعدنا عليها احنا الاتنين وقلوبنا اتفتحت لبعض اوى ، قعدت كل واحدة فينا تحكى للتانية عن تفاصيل حياتها وكل اسراراها وكل اللى بيفرحها واللى بيوجعها ، احنا فى اليوم دا فعلا قولنا لبعض حاجات متتقالش غير لما واحدة تكون بتكلم نفسها فى سرها ، احنا بقى كنا سر بعض . المهم عدى اليوم دا ، وخلص المصيف وبقينا اكتر من صحاب ،

ومن يومها وانا مابقدرش استغنى عنها ابدا . بجد الإنسانة دى بقت منى اوووووووووى ، بقيت فعلا بحب اخرج منى واروح لها , ملااااااااااااااااااااااك بمعنى الكلمة ،، مابتفكرش تأذى حد ، تكره حد ، حتى لما بتتخانق أخرها شخططتين وبعدين تلاقيها بتصالح اللى شخططت فيه ، بحبها اوووووووووى والله ،

ومن اليوم دا لغاية انهاردة وهيه عمالة تثبتلى كل يوم عن اليوم اللى قبله هيه اد ايه إنسانة جميلة وتستحق كل خير ، ساعات لما بأقعد ادعى وانا بأصلى بأدعى ربنا انها تلاقى إنسان حلو زيها كدة ، وارجع واقول استحالة يكون فى إنسان ملاك زيها كدة .




البوست الجاى هحكيلكم عنى وانا عيانة , قصدى لما كنت باحتضر يعنى

55 comments:

Amr Fekry said...

عجيبة :D

اقصوصه said...

الله يديم صداقتكم ان شاالله

ويخليكم لبعض

ويبعد عنكم شر الحساد

امين:)

حسن حنفى said...

يارب يخليكم لبعض ويهيدي ليها اللي تستحقه وهو يستحقها

تحياتي

romansy said...

اولا الف سلامه عليكى
وربنا يخليكوا لبعض انتى والملاك
الصداقه اجمل شئ فى الدنيا
يارب تدوم يارب

riri said...

بحبها اوووووووووى والله ،
........................

عجبتنى أوى الجملة ديه


ومن اليوم دا لغاية انهاردة وهيه عمالة تثبتلى كل يوم عن اليوم اللى قبله هيه اد ايه إنسانة جميلة وتستحق كل خير ، ساعات لما بأقعد ادعى وانا بأصلى بأدعى ربنا انها تلاقى إنسان حلو زيها كدة ، وارجع واقول استحالة يكون فى إنسان ملاك زيها كدة .
...................

لسه فى عينيكى نفس النظرة ديه !!!

riri said...

عمرو فكرى:

ايه اللى عجبها ان شاء الله

مبتحسبنيسش شاطرة ؟ ولا مبتحسبنيش ملاك !!!

riri said...

قصوصه: امين :)


حسن حنفى: وهى كمان .. مع ان معتقدش فى حد يستحمل لسانها الطويل ..ههههههههههههههه.. أنا اسفة

riri said...

رومانسى: فعلا اجمل شئ فى الدنيا .. يارب تدوم

N!GHT said...

مش عارف علي ما اعتقد ان دي اول زياره ليا لانا وهي
يعني لا محبه إلا بعد عداوه

ربنا يخليكم لبعض وميفرقش بنكم ويارب تلاقي واحد طيب زيها ههههههه
ده يعلمك انك متحكميش علي الناس من المنظر الخارجي
وياما فالحبس مظاليم هههههههههههههه

Amr Fekry said...

لا حول ولا قوة الا بالله

هو انا عملتلكوا حاجة وحشة؟
ليه مفترضين دايما سوء النية؟

هى فى البوست الىل فات وانتىفى البوست ده


انا كنت اقصد المكان اللى انتوا قعدتوا فيه واللى هى قالت عليه :
((((مانساش ابدا اليوم اللى كنا فيه فى شاطىء (مش فاكرة كان شاطىء ايه ) ))))

ده كان اسمه شاطئ عجيبة



وعموما انا اسف ان كان وجودى هنا ضايقكم


شكرا بجد

الســـاحر said...

ههههههه
على رأيك يارب تلاقى انسان حلو زيها يستحقها
ويارب تفضلوا اصحاب
سعدت بزياره مدونتك وفى النهايه سلامى وربنا يوفقك

زى الهوا said...

N!GHT :::


اهلا وسهلا بيك , ويارب ما بتبقاش الاخيرة نورتنى انا وهيه

زى الهوا said...

عمرو فكرى :


لأ ماعتقدش عجيبة , هوه كان شاطىء عادى بس نمشى شوية كدة نلاقى حتة فيها صخور , تقريبا كليوباترا

وبعدين ايه اللى بتقوله دا حضرتك بتنور المدونة وبعدين كفاية الموضوع الجميل اللى عامله بتاع ريرى ماتخافيش





ريرى :


لسه فى عينيكى نفس النظرة ديه !!!

اخس عليكى زعلت بجد , النظرة دى هتفضل موجودة لأحسن صديقة واقرب واحدة الى قلبى , بت ياريرى مهما الزمن اتقلب بينا واضطرنا اننا نبعد عن بعض انتى لسة حبيبتى وحياتى معاكى لسة اهم جزء فى مسرحية حياتى

زى الهوا said...

الســـاحر :


ربنا يخليك يافندم نورتنا

طالبه مقهوره said...

انا برضه مكنت شبطيق صحبتى خالص لحد متعرفت عليها وبقيت انا هى وهى انا

seven said...

بعيدا عن انى مش بحب اللى البنفسجى
ده وبالذات مع اللون الاصفر
ههههه
بيبة مريييييييييييييييع
بس فعلا ما محبة الا بعد عداوة
انا حصلى الموقف ده اكتر من مرة
ابقة حد مش طايقه كده
وفجاة نبقة صحاب
وصحاب اوى كمان
هوه نصيب فعلا
ربنا يخليكو لبعض

نونو said...

ربنا يخليكوا لبعض

وميحرمكوش من بعض ولا منى

خلى بالكوا من بعض

samamasr said...

هو أنا يمكن مش قريت الموضوع لسة علشان هسافر

بس أنا يمكن..علشان بجد..بحبكم في الله

حابة أسلم عليكم


رغم انكم مش هتكونوا فاكرني قوي


بس حابة أسلم عليكي يا سماح

وريري


وأنا بجد..برغم عدم المعرفة بينا الشخصية حتى

بحبكم في الله بجد




ربنا يوفقكم بجد



إيمان

Muslima said...

بجد ان اسفة انى بكتب هنا
بس انا كنت عوزة اقولك يا زى الهوا
انك ترجعى تكتبى تانى
انا فكرت اعمل كدة وقفلت مدوناتى
وابعدت 8 ايام فقط وبحرص المتابعين لى وحبهم لصفحى قررت فتحها تانى
عشان خطرهم هما فى الاول
وبعد كدة لما بدات اكتب وهما بيكتبولى حسيت بجد انى كنت هفتقد شى غالى عليا اولا تواصلى من الناس اللى حبتهم وحبونى
بجد فكرى تانى
ومنتظرة انى ادخل مرة تانية الاقى جديد
ربنا يوفقك
وكل سنة وانتى طيبة بخير
دمتى بخير

حسن حنفى said...

كل سنه وحضرتك طيبه وبخير يارب

WhItE HeArT said...

لا استني معلش

اه انا متنرفز جدا كمان


بمناسبة ايه اللي انا قريته في مدونة حضرتك ده يعني

السلام ختام

يافرحتي

لا بجد احنا مبنهزرش هنا , هترجعي وهتكتبي كمان :)

اها اها شايفك بتقولي قهر يعني

اه هيه قهر

بجد والله يازي الهوا انا مش عارف ايه اللي يستاهل انك تسيبي التدوين يعني

بصي في ناس في عالم التدوين ده بيأثرو فيا بكلامهم بطريقتهم بتلقائيتهم بمشاعرهم الجميله وانا بعترف ان حضرتك احدهم فمتخلينيش اتضايق بأه :(

دمت بكل الود

اه نسيت انا كنت جاي اقول كل سنة وانتي طيبه وعيد سعيد ان شاء الله

بسنت said...

الله ما اجمل الصداقه دى
وانا تعرضت لظروف تمام زى كدا
بس كنت البنت التانيه
ههههه
صحباتى الانتيمات هما طبعا اللى حكوللى بعد كدا
الاصحاب حاجه جمليه اوى وصعب تتكرر تانى فى شخصيات مثلهم وخاصه لو كانت كل واحده ليها شكل وطبع وفكر مختلف
كل سنه وانتى بالف خير
وعيد سعيد
وفكرى ترجعى تفتحى مدونتك التانيه

أحمد1316 said...

الموضوع مش مرتب جيداً.. بس موضوع دافئ

عقل مهوي said...

ربنا يديم الصداقه

بس غيرتي نظرتك للون البنفسجي؟؟

كيكى said...

أنق ولااحسسسسسسسسسسسسد؟
مش عارفة
عووووووووووووووووووو

فارس الحسناء said...

يارب يخليكو لبعض

والف سلامة عليكي

PrInCeSS BeRy said...

ازيك يا قمر وسلامتك الف سلامة اتاخرت عليكى كنت تعبانة بردو زيك ههههه سنة الجديدة جية بحلاوتها

وربنا يديم عليكى نعمة الصداقة لانها اجمل حاجة فى الدنيا

blue-wave said...

اول زيارة ليا هنا
وبجد استمتعت جدا
تحياتى

حسن حنفى said...

البوست الجاي كل ده لسه مش جه

؟!

rokaaa said...

هوووووووووووو ده

ELHAWARY said...

مدونة دمها خفيف بجد

دامت صداقتكم وكترت خناقتكم

رازى

DoNyA said...

ربنا يخليكم لبعض
ودايما بيقولوا
من حب الا بعد عداوه

حسن حنفى said...

حضرتك مش نزلتي مواضيع من زمااااااان ؟

عاشقة الشهاده. said...

طيب ليه يعنى كدا

مواضيعك والله جميله جدا

صمت الحنين said...

ربنا يخليكم لبعض ياارب وكتير لما بيحصل كده ممكن تقبلى اى انسان من اول مره تبقى مش طايقين بعض وسبحان الله لما بتتعملى مع بعض بعدها ممكن متقدروش تستغنى عن الانسان ده ابدااااااااا

Mohamed Nagah said...

مدونه رائعه
بالتوفيق


دعوه الى زيارة المنتدى المتخصص فى برامج المالتى ميديا والجرافيك والثرى دى
منتدى البيت العربى للتصميم
http://mohamed-nagah.com/vb/

همس الاحساس said...

ما محبة الا بعد عداوة

وانا جربت الشىء ده

كنت انا واختى مش بنحب بعض لدرجة مش تتصوريها

ودوقتى بقيت بموت فيها

سبحان الله

ربنا يخليكو لبعض

thunder said...

ممممممممممممممم اية كمية المدونة دى هما كل دول هدخلهم تانى
على العموم انا فاكر مقولة متدولة اوى بينااااااااااا
بتقول (( تعرف فلان ايوا اعرفة عشرة لا يبقة متعرفهوش ))
دى اعتقد اقرب وصفة للحاصل معاكى ومعتقدتش انك من الشخصيات اللى بتحكم بى مظاهر الناس او لابسين اية لكن لما اتكلمتى معها انجذبتى لكيان بعيد عن اللون اللى ناتى كرها يعنى ممكن الروح تكون فى مكان انتى مش حاسة او كرها
ربنا يديم عليكم الصداقة وميفرقش بينكم ابداا ويجمعكم على ما تحبون
اختى العزيزة دمتِ بكل ما تحبى وبكل خير وود يارب

shemo said...

..السلام عليكم
ازيك ياريرى........البوست........فعلا انا كنت زمان لما بشوف حد بحكم عليه من الانطباع الاول الى بخده عنه اول ما اشوفه بس اتعلمت حاجة بعد كده لانى كنت كل لما باخد فكرة وحشة عن حد او ابقى مخنوقة منه لما اتعامل معاه احبه اوى واعد اانب نفسى انى فكرته حد خنيق اوى حجات زى كده ....................وانا برده ليا وحدة صحبتى عزيزة على قلبى اوى كانت بداية تعارفنا كده..................ربنا يكومها ويخليكم لبعض ...........دومتى بخير

هانى سعيد said...

على فكرة الانطابعات الاولى مش بالضرورة تدوم لانها مش فى كل الاحيان بتكون صح انا كنت عارف ومتاكد من دا وانتى جيتى واثبتيلى دا انتى كمان برافو عليكى بس انتى ليه قافلة الكومنتات فى زى الهوا انات كنت عايز اعلق على الدين اللى مش هترديه ومعرفتش عشان اللى انتى عملاه دا بس برافو عليكى ماتخديش حد بذنب حد واعملى انتى الخير عشان تلاقى نتيجة اللى عملتيه فى الاخر بخير اتعمل لولادك ان شاء الله وكفاية انك تكونى بتحترمى نفسك وتحترمى غيرك و بتقدمى واجبك وعملك على اكمل وجه من غير ما تجبرى حد على انه ياخد درس عشان تحسى ان القرش اللى بتقبضيه حلال مش جاى ووراة دعوة اب او ام او حتى طالب خايف انه لو ما اخدش عندك درس تسقطيه مرة تانية بجد برافو عليكى واحيكى من كل قلبى

حياتى نغم said...

السلام عليكم
لفته جميله منكِ
فعلاً لابد ألا نحكم على أحد من مجرد رؤيته أو شعور انتابنى معه أو حتى من موقف واحد
ربنا يبارك فى أخوتكم ويسعدكم بكل خير

حياتى نغم said...

السلام عليكم
لكِ تاج عندى هديه فينك ؟
يارب تكونى بخير

حلـم،، said...

,اول مرور واول شوق للتجوال في واحة المودة والجما واللة يديم المحبة عليكم واتمني التواصل

ابو المفاصل الواصل said...

الشماعة
وبعدين فى الطــــــبع الغريـــب يا جماعة
كل واحد لغـــــلطة مفصــــل لـه شـماعة
يعلق عليها عيوبه ونفــــــسة الملتـــــاعة
ويدارى الخـــــيبة بدل مواجهتها بشجاعة
وهو فاكر عمل اللى عليه فى نفس الساعة
ولكنه زيه زى اللى بيحــــرق نفسه بولاعة
بعد فترة هيحس مدى التقصير والبشــــاعة
فى حق نفسه المغيبه وكأنه فى بلاعــــــة
ولا يبقى له غير الندم والعطش والمجاعة
=============
ناجح يوسف فهمى

القطقوطة الصغيرة said...

شفتى علشان كده مبنحكمش على الناس من الظاهر
و على رأى المثل اللى تقريباً و الله اعلم بيقول
تعرف فلان (اه) عاشرته (لا) يبقى متعرفوش
و الف الف سلامة عليكى

ابو زياد said...

فعلا الصاحب يتعرف اكثر في السفر وكمان في وقت الشدة ويا ريت كل زوار مدونتك يجدوا انسانة كالتي تتكلمين عنها اتمني لكما التوفيق
ويا ريت تشرفينا في مدونتي بعنوان عاوز اعيش وتعطي ملاحضاتك عليها

Darsh said...

لما تكرهي ما تكرهيش قوي لان عدو الأمس صديق اليوم

انا على فكرة اعز اصدقائي دلوقتي فاكر اول مرة اتعرفت عليه كان خنيق و كنت اتمنى انه يكمل رخامة علشان اعلق راسة على باب زويلة و الدبان يقف على مناخيرة ما يعرفش يهشه

بس دلوقتي هو عارف عني حاجات انا قولتهالوا عني و نسيتها

يا ريتني كنت قتلته زمان :)

يا خوف فؤادي من غدي said...

حلوة الصداقة خاصة لو كانت حقيقية
الله يخليكم لبعض وتدوم صداقتكم
وعلى رأي الجدات ربنا يضعف الشيطان اللي بينكم

يمامة شاردة said...

هييييييييييه

دنيــــــــــا

حصان المرجيحة said...

انا اسلام
مدونة حصان المرجيحة
من اجل التواصل

حنان ورده said...

صدق اللي قال ما من محبة الا بعد عداوة
الله يديم المحبة

بلياتشو said...

ربنا يكرمكم ويديم صداقتكم اللهم امين

safa7_karmooz said...

البوست الجاى شكله لسه مجاش ولا ايه؟؟

ميس فلسطين said...

مرحبا اول ازياره بس مش حتكون اخر زياره لانها اجمل مدونه شكرا على الموضوع الرائع

أقدم عاصمه فى الحب said...

السلام عليكم

لسه مكتشف المدونه دى النهارده بس
يمكن علشان كنت متعلق بزى الهوا اكتر ما كنتش بدخل على ملف التعريف واشوف المدونات التانيه
بجد بجد مدونه جميله اوى
وعلى فكره انتى زى اللى بتحكى عنها لان تقريبا الطيور على اشكالها تقع :)
سعدت بجد بسردك النهارده عن صاحبتك اللى بالفستان الدبدوبى ده
وعلى فكره كماان مالكيش دعوه بالبنفسج طالما مش بتحبيه لانى بموووووووووت فى اللون ده
.
دوما اصدقاء :)