زى اى مدونة اول بوست بيشرح , ليه المدونة بهذا الإسم
انا بأكرهه اسم ريرى يتكتب قبلى وهيه برده بتكرهه اسمى يتكتب قبلها , فبتالى ماكانش هينفع تبقى اسم المدونة ((ريرى وموحة )) ولا(( موحة وريرى)) , اختصارا للعراك مع الانسانة دى , حبيبة قلبى
اما عن البلوج دا , فانا عملته مخصوص علشان اوقع الاستاذة ريرى فى شباك التدوين تانى بعد لما قفلت مدونتها ( فضفضة على الماشى ) فى تلاتة وسبعين تأثرا بفرحة الانتصار , وبعد سنين طويلة من الاقناع فى حضرتها , لقيتها بتقولى طب يلا زيى بعضه اعملى , لما حست الهانم انها محتاجة تفضفض .
ولأنى قلبى طيب ورهيف صعبت عليا ريرى جدا وقطعت قلبى وقولت يلا زى بعضه اصالحها مع عالم التدوين تانى , رغم انها غدرت بيه جامد فى اول مرة
انا سعيدة اوى بعودة احلى ريرى للتدوين تانى , وخصوصا لأنها هيه اصلا اللى خلتنى اعمل << زى الهوا >> من الاول , وواثقة إنكم هتحبوا ( انا وهى ) إن شاء الله طالما فيها ريرى
وبالنسبة لزى الهوا فهى هتفضل موجودة زى ماهيه عادى جدا , بس فى مواضيع معينة هتتكتب هنا جنب مواضيع ريرى , ومواضيع تانى هناك , يارب تستمتعوا بغبااااااااااااااااااااااااااااااااااااااءء
يلا عايزة اسمع منكم ألف مبروك علشان عودة ريرى وافتتاحى للمدونة الجامدة موت موت دى
41 comments:
أنا والله العظيم كنت لسه هقفل الجهاز وأكلمك فى الفون أقولك الغى المدونة.. لقيتك كتبتى بوست.. فأتكسفت بقى
مبروك ويارب تبقى مدونة حلوة... وقبل ماتعجب الناس ...يكون قلبنا مرتاح فيها ونسيب روحنا عندها واحنا متطمنين
ههههههههههههه , قرف يقرفك , انا قولت مين اللى توغل ودخل المدونة وانا عملاها بباص ورد دا
بس ايه رأيك فى البوست نذيع؟؟؟
مبروووووووووووووووووووووووووووك ليكي انتي وهي
(مرضيتش اقول بقي موحة وريري ولا ريري وموحة عشان منتخانقش)
:)))))
وان شاء الله تبقي مدونة جميلة وحلوة ونستفيد ونفيد برضه
تحياتي
الله يبارك فيكى يااحلى سفروتة ميرسى اوى , ويارب تعجبك
ألف مليون مبروك على المدونة الجديدة
إقسموهم بينكم بقى .. خمسمائة مليون مبروك ليكي وخمسمائة مليون مبروك ليها
ومائة مليون مبروك ليكي يا ريري لوحدك علشان رجعتي تكتبي تاني .. يا رب تكوني مبسوطة بقى برجوعك للـ(كار) تاني
بس كويس يا موحة إن إنتي لحقتي كتبتي بوست قبل ما ريري تكلمك في الـ(فون) تقول لك إلغى المدونة ، علشان ترجع تاني بقى تكتب لنا بقى بعد خمسة وتلاتين سنة غياب .. من تلاتة وسبعين بتقولي؟
...
هو الفون ده يعني التليفون وللا إنتم ساكنين قريب من بعض وبتكلموا بعض بميكروفون مثلا؟
...
!!يا سلاااااااااام
آهو الواحد كده يلاقي حاجة تانية يضيفها لمجموع الحاجات النادرة اللي بيعملها على النت
بالمناسبة الكمبيوتر بتاعي مش بيقوم من السرير بقاله فترة وبقعد على النت في سايبر .. إدعوا لي ربنا يفرجها عليا علشان أظبط الجهاز وأعرف أقعد براحتي زي الأول
عاوزينكم تروشوا لنا المدونة بقى أكتر من كده شوية .. ويا ريت تغيروا الصورة الجمييييييييلة اللي في الواجهة دي علشان بتحسسني إني هلاقي جوا بوستات عن الأفيال وذبابة التسي تسي والأمراض النادرة في جنوب أفريقيا .. ولون خلفية مختلف شوية وستايل هادي كده يبقى كله تمام .. ومن غير إنت مالك وإيه اللي دخلك حاجة زي دي والردود دي بس
:D
يللا مش هطول عليكم أكتر من كده
ومليون مبروك تاني ليكم - إقسموهم بينكم برضو - ومتتأخروش في البوستات .. خصوصًا إنتي يا ريري
بعد السلام عليكم
ألف ألف مبروك افتتاح المدونة الجديدة
وتتربى فى عزكم أن شاء الله
وربنا يجمعكم دايما على الود والمحبة
وحمد الله على سلامتك ياريرى
تحياتى ليكم
انا مبسوطة اوى انى لحقت المدونة و هى طالعة جديد كدا و عاوزة اباركلكم انتى و هى عشان محدش يزعل عالمدونة الجديدة دى و اكيد مواضيعها حتبقى جامدة زى فكرتها يا قمرات
تستمتعوا بغباااااااااااااااااااء
مممممممممممممممممممم
أنا شايف في اقتباس في الأسلوب
ومن غير إذن
يلا زي بعضوا
مبروك عالمدونة وإنطلاقة رائعة وأكيد المدونة هتبقا خطيرة مش بس علشان ريري لا كمان علشان موحة
بس ربنا يبعد عنكم بوكس الشرطة
نياهاهاهاهااااااااااا
تحياتي
ومزتني الجديد علي ناااااااااااار
كفايه كدا ورايا بكره جوووووووز امتحانات
تقوليش جوز جزم
نياهاهاهاااااااااا
تهني عائلة الحاج كولد إير البنتين الحلوتين هي و هي علي إفتتاح الفرع الجديد من المدونة كما ترسل العائلة باقة من الورود و عدد 2 كيلو برتقان بسرة لزوم الريلاكسيشن و الصحصحة و تهنئة خاصة من خالو مرجان و خالتو فتحية و الأهل و الأقارب بالسمبلوين و جدو تامر و تيته اليسا و بيتمنوا للأمورتين مدونة سعيدة كما يشارك بالتهنئة كلا من الحاج علي إيبو و الباشموهنذ فتح الباب و جميع الأهل و الأقارب
و اللي بيحبنا ميضربش نار عندنا
ماشي ماشي هلخص عشان أدي غيري فرصة حاكم اني مش بحب الكلام الكتير زي منتوا عارفين
^_^ هه ^_^ هه ^_^
تحياتي وسلامي
و ألفين مبروك
عشان كل واحدة تاخدلها ألف
و العبوا مع بعض متتخانقوش
ألف مبروك لعودة ريري
وألف مبروك على المدونه الجديده
ويله مستنيين حاجات جامده
بس قوليلي مهو اسمها مكتوب قبلك برضه على اليمين يعني معرفتيش تهربي من المشكلة
ههههههههههههههههه
انا بس بهدي النفوس
وحلوة الصورة اللي في الاول دي بتدل عتلى الاخوه والصداقه بس ابقي بالفوتوشوب حاولي تركبيلهم سنانهم اللي ناقصه بس علشان المنظر العام
تحياتي
ومرة تانية الف مبروووك
مبروك يا بنانيت
ويارب تفضلو مع بعضيكم على طول ان شاء الله
وتملولنا المدونه بوستات صغننين :P
بس بقى مش هرغى معاكم كتير
هو دا شكلكم بجد :)
ربنا يزيد يبارك :)
تحياتى
د/هيما
هههههههههه
الف الف الف مبرووووووووووووك
وشكلها مدونة هاتبقى جامدة موووووز
لكن
المدونة دي ينقصها الشكل لو احتجتوا شكل حلو يناسب اسم المدونة احنا فى الخدمة
ربنا يديم الحب بينكم
osso333 :
ههههههههههههههههههههههه , يعنى لا الاستايل عاجب حضرتك ولا البنتين الامورتين اللى فوق ولا التمبلات ؟؟؟
بس عجبينا اووووووووووى ( وش مطلع لسانه )
, هيتغيروا بس شوية كدة لما نندمج شوية , وبالنسبة لريرى ماتقلقش هخليها تكتب ياما , لغاية ماتزهقكم من بوستاتها
abo salah :
عليكم السلام ورحمة الله وبركاته , ميرسى يافندم , وشكرا على المرور
dina :
ميرسى يادينا , ونتمنى ذلك
Dr.Mohammed Gohary :
على فكرة انا اللى اشتغربت قبل كدة لما لقيت بغباء دى فى مدونتك
بغباء دى بتاعتى انا وريرى كنا بنقولها من تالتة كلية , اسرقوا بقوا المصطلحات وانسبوها لنفسكم هههههههههههه
ربنا يوفقك فى الامتحانات وتحل حلو
Cold air :
ايـــــــــــه دا كله؟؟؟؟؟؟ هههههههههههه , بس ترحيب جامد بجد , وإن كنت حذرت بعدم الرغى , بس يلا خلاص تنزل المرادى والمرة الجاية لا ممكن ابداااااااااااا
ميرسى على المرور
WhItE HeArT :
ههههههههههههههه , اه مانا لاحظت وحاولت احط اسمى الاول معرفتش , قوليلى اعمل ايه ربنا يباركلك ؟؟؟؟؟؟
وبالنسبة للسنان فمافيش داعى نخبى عليكم الحقيقة , دى شكل سنان ريرى هنخبى ليه؟
whisper TaNgOoO :
اهلا بالهانم , مضطرة اقولك وحشانى , ولونك مش وحشانى اوى , ميرسى , وعوقبال لما انتى كمان تعملى مدونة مع حد معين ههههههههههه ( وش مطلع لسانه )
Dr- Hema :
اه انا اللى لابسة بتنجانى وريرى بتموت فى الازرق من يومها
3abdallah 7osni :
شكل بمعنى تمبلات يعنى , ولا صورة ؟؟ لو تمبلات هات وورينى , ومش هننسالك الخدمة دى , بس هتتعب معانا على فكرة علشان انا رأى وريرى رأيى تانى خالص , فهنتخانق كتير ههههههههههه
مبروك ليكم انتم الاتنين ربنا يخليكم لبعض
وربنا يكرمك يا ريري :)
samamasr :
ميرسى اوى ياسما
Glückwünsche :D
الف الف مبروووووووووووووك
انا كنت ممتنعه عن التدوين بقالي فتره
او ماليش نفس بس في كام مدونه
غاليه علي قلبي بحب اتصفحها من وقت
للتاني وعرفت ان في مدونه تانيا
بجد مبروك واتمني انكو متقفلوهاش
وانها تتملي ببوستاتكو الجامده :)
لازقالكو هنا بقي :D
انت وهي
اولا الف الف مبروك يا موحة
انبسطت اوي ان مساحة الحلم في حياتنا هتزيد بمساحة مدونتكم الواعدة
وتضايقت انني لما اعرف بيها الا اليوم
كنت اتمني ان اكون اول من يعلق
بس
الجايات اكتر من الرايحات
ريري كانت هتكلمك في الفون وتقولك الغي المدونة
الحمدلله انها لما تتكلم
نشكر الشركة المصرية للاتصالات ونهيهها بفشل حملتها الشهير اتكلم ارضي ياني خالتي
بجد حاسس انك روحك حلوة اوي يا موحة
وشكرا لانك لما تتكلم يا ريري
مبرووووك ع البلوج يا حلوين
ايوا كده ارجعى ياريري نورينا تانى
وبلاش سماح خليها تركن ع جنب بقي
ههههههههههه
shabfa2re :
ايه دا ألمانىىىىىىىىىىىىىىىىىىىىى ,كانت وحشانى اللغة دى والله
Danke schon herr shab.
ريهام العربي :
ليه بس ممتنعة , هتنزعلينى منك ولا ايه ( وش بيزعق ) , عموما ياستى انا سعيدة إنى من المدونات اللى غالية عليكى , والمدونة هتبقى حلوة بيكم وبينا وبالوحدة العربية ههههههههه
ساعد نسرين الايمن :
مابكرهش فى حياتى اد الاعلان بتاع ابن بلدى دا , نفاق ورياء وبطاطس خالص , خلاص يعنى الموبايلات بتاعت البلد كلها بقت بتقطع ؟؟ مابنكلم الواد من الامارات والموبايل زى الفل ههههههه
ميرسى يافندم على تعليقك , ويارب ماتبقاش الاخيرة بس وتزرونا كتير
Semsema28 :
الله يبارك فيكى , وبعدين انا لو ركنت على جنب يبقى التدوين مات , وهيروح وتروح ايام هههههههههههه
ألف مبروك يا سينا انتي و سونيا
و أكيد الكلام اللي فوق بوكس الكومنت ده موجه للناس كلها إلا أنا
أنا صاحبة بيت يا كتكوتة انتي و هي
يمامة :
هههههههههههههههههههه , بس بقى علشان ريرى حكتلى على اللى عملتيه بعد الفرح , قعدت اضحك عليكى - وش مطلع لسانه - وياستى انتى كل الكومنتس بتاعتك اصلا لو عايزة الباص ورد اديهولك انتى بتتكلمى فى ايه بس
اه نسيت اقولك انى عايزة اعمل البلوج لونه احمر من يوم الفرح والفكرة بتطرا عليا هههههههههههههههههه
طلع فى ناس غيرى اهو علقوا كتير على موضوع قفل المدونة
انا لحد دلوقتى اصلا سايب اللينك والصورة بتاعتها عندى فى المدونة رغم ان المدونة نفسها اتشالت
اتاثرت جدا لما لقيتها اتشالت .. ولحد دلوقتى برضه كنت كل شوية ادخل اقول يمكن عقلها رجعلها وفتحتها تانى بس ما الاقيش حاجة برضه
وانا بالف بالصدفة افاجا بالمدونة دى وبانها بقالها اكتر من اسبوع شغالة اهى و3 تدوينات اتكتبوا ولولا انى لقيتها بالصدفة ماكانش حد هايقولى ان ريهام دونت تانى
يلا معلش ايا كان الف مبروك بالرغم من انى متضايق جامد
يالهوي عليكي .. رهيبة
ربنا ما يحكمك على حد!!
ماتخلينيش أدعى عليكي يحصل لك زي اللي حصل لي .. و تلاقي نفسك في يوم وليلة لوحدك .. أنا دعوتي بتجيب .. هه؟ تيك كير بأه "وش واثق من نفسه"
و بعدين ايه الأحمر ده؟ دا شكله لون جديد .. لسه ماجربتوش "وش بيستهبل"
ء
Amr Fekry :
التعليق دا كله موجه لريرى , هابقى اقولها تدخل ترد حاضر من عونيا
يمامة شاردة :
اه مانا عارفة إن مافيش بينك وبين الاحمر عنار , ههههههههههههههههههه
خلاص ماتدعيش عليا بقى ربنا يكرمك ( وش بيترجاكى )
جميلة اوي المدونة دي فرحت جامد لما شفتها
وموحة بادئاها هزار وفرفشة وهي اصلا دمها سكر
فرحت بجد يا ريري لما رجعتي تدوني .. عودا حميدا
يارب متمشيش تاني
حمد لله بسا..
يمكن متأخرة بس لسة عارف بالصدفة والله و انا بتمشى :D
Post a Comment