العروسة الصغيرة " رضى الله عنها " كاتبة على البنت اللى مش أمورة ريرى والبت الأفتح منها وأطول موحة... ثانيا انا بغسل والله سنانى كل يوم بمعجون الأسنان.. ديه منظر سنان يامفترية..
هو عشان انتى اللى حاطة الصورة يعنى.. هتخمى
هو صحيح الاتنين ميتخيروش عن بعض... تحس أن احنا فى الصومال الحقيرة .. بس برده فى فرق بسيط
تقبلى بقى حقيقة أنى أجمل منك ... كفاياكى حقد وغيرة.. بقيتى قد المسمار يانبتى
احنا بنبقى فعلا شبه البنتين دول لما بنقرر نبقى حلوين
كذا مرة فى أفراح أصحابنا ... نقول هنعمل كذا وهنحط ميكب وهنبقى أمامير بغباء وهنجيب لبس جديد .. وهنخش الفرح الناس هتسيب العروسة وتبصلنا احنا
عايزة أقولكم .. مفيش مرة نوينا فيها نبقى كده.. غير لما شكلنا يبقى قررررررررررررررررف
هى بتسود وانا بقصر...هى وشها بيبقى كأنه لسه طالع من الفرن .. وانا عينيه بتصغر ووشى بيتغير ملامحه تماما.... والله العظيم ساعتها مش بيحوء فينا اى حاجة.. نحط ميكب ونمسحه ونحطه تانى ..مفيش فايدة
الا اللبس بقى ... هههههههههههههههههههه .... بجد فلاحين بلدنا
بس بجد أحلى مافى الأمر.. أنى عشتها مع حد بحبه :) ....صحيح كتير بقينا عصبيين أوى و بنشد مع بعض وبتحصل شوية خناقات .. يبقى ناقص نجيب سكاكين ... بس أحنا بينا بجد عشرة طويلة اوى وأيام جميلة جداااااااااا .. متتنسيش
فى حاجات مينفعش الواحد انه يعيشها غير مرة واحدة مع حد واحد .. أكيد كل واحدة فينا هتقابل صحاب جدد فى الشغل أو بعد الجواز.. بس الايام اللى بينا مينفعش تتكرر تانى .. ولو رحتى نفس الاماكن مع ناس تانية وعملتى نفس اللى عملناه معاهم.. عمررررررررررررررها ماهتبقى زى أيامنا او زى اللحظات اللى عشناها
بصى أنا عشت معاكى أيام متنفعش تتعاش مع حد تانى .. خلى بالك مننا
31 comments:
lol
------
بصى أنا عشت معاكى أيام متنفعش تتعاش مع حد تانى .. خلى بالك مننا
الحتة دى قوية اوى rolleyes
احم
الفولدر ده كنت شايله مش عايز اطلعه دلوقتى
ابقوا بصوا عليه بقى
http://filaty.com/f/807/20039/so7abawy.rar.html
احم .. دى حاجات كنت عملتها بسرعة كدة اتسلى فيها shy
كان نفسى ابقى اول تعليق قبل عمرووووووووووووووووووووووووووووووو ( وش زعلان )
كلامك حلو اوى ياريرى , رغم انه طلعنا شكلنا وحش اوووووووى , بس بجد روحنا كانت حلوة اوى , كنا مش احنا اصلا , كنا ناس تانية , كنت حسانى مستمتعة اوى وف نفس الوقت ماكنتش بحس انى مقصرة
يااااااااااااه عيشنا ايام , بحلوة ومرة كانت فى بوقنا زى العسسسل , كنا ما بنبطلش ضحك ومن قلبنا , وبنقف جنب بعض اووووووى
فاكرة لما لفتينى فى الدور بتاع السن وكنت هقع لما كنت عيانة , ولا ياه لما كنا نقعد نتعاتب واحنا رايحين الجامعة وصوتنا يجيب اخخخخخخخخخخر الشارع , واما قعدنا فوق الصخرة بتاعت مرسى مطروح وهاتك يارغى وقومنا رجولنا متعورة ههههههههه
على رأيك الايام دى مش هتكرر ولا هتحصل غير بين سمااااااااااح وريهاااااااه
وتغوتيس ديم اى ستيل لافز يووووووووووووووووووه
عمرو , انا سيفته بس مش عارفة افتحه بايه ( open with ) ???????????
ده ملف مضغوط بالوين رار
WinRar .. برنامج ضغط
ههههههههههه
مين قالكم اصلا انكم بتطلعو حلوين :P
بجد يا بنانيت بمسك كل الخشب اللى في البيت انتو من اكتر الناس اللى قادره تحافظ على صداقتها
ربنا يحميكم لبعض ومايبعدكمش عن بعض ابدا
وعلى قد ماتقدرو حافظو على الصداقة دي
ما شاء الله عليكم
بحبكم انتو الاتنين اوووووووووووووووى
وبعدين صحيح مش تنسو تقولولي مبروك
ماشاء الله
ربنا يكرمكم ويديم عليكم الحب ده بجد
فاكرين يا عيال
ف اول السنه
موحه كانت صاحبتى وريري صاحبه توتى
وبعدها حصل العكس
وبقيت انا وتوتى اصحاب واخوات وانتيم
وانتى وموحه سوا
سبحان الله بجد
بيألف القلوب مع بعض
البلوج بتاعكم اصلا بيفكرنى بايامكم
وبايامى انا وتوتى حبيبتى
ع فكرة ياعيال
احنا الاربعه المفروض ناخد احسن جايزة للحفاظ ع الصداقه
ماسمعتش اى حد تانىمن باقي الصبحه بتاعت رابعه لسه متمسكين ببعض زينا كده
ربنا يخليكم لبعض
وربنا يخليلي توتى حبيبتى
:wub:
احلى حاجة عجبتنى الصورة تحفة بجد.....تحياتى
بمناسبة الحفاظ على الصداقة أنا محافظ على صديق ليا - وهو كمان أكيد - من تانية ثانوي
دلوقتي أنا مخلص كلية معاه من تلات سنين بالظبط يبقى أحسن جايزة من نصيبنا بقى
ههههههههههههههههههههههههههههههههههههههه
وكمان يا ريري إنتي إيه اللي يخليكي تفكري في إسمك مكتوب على البنت دي وللا التانية .. قال يعني التانية أمورة قوي
:D
ربنا يخليكوا لبعض على طول
ههههههههههههه
بوست جميييييييييييل جدا
فى حاجات مينفعش الواحد انه يعيشها غير مرة واحدة مع حد واحد .. أكيد كل واحدة فينا هتقابل صحاب جدد فى الشغل أو بعد الجواز.. بس الايام اللى بينا مينفعش تتكرر تانى
......
ومش بنقدر ننسى الأيام دى
ولا نقدر نعيش زيها
مع اى حد تانى
ولا اصحاب جدد
بوست جمييييييييل خالص
تحياتى واحترامى
عندك حق فى ان الواحد ساعات يقابل ناس عمره ما يقدر ينساهم فى حياته
تحياتى لكى و البوست رائع
ربنا يخليكو لبعض يا ريرى
وبطلوا بقا مليتوا البلد
تحياتى
اجمل حاجة العثور عل صديقة بحق وحقيقى تكون انتى يعنى لما تتكلمى معاها تحسى انك بتتكلمى مع نفسك يارب تدوم صداقتكم على طول تحياتى
مش عارفة اقولكم ايه
ربنا يسعدكم ببعض دايما ويحميكم من عيون الناس
ويوعدنا جميعا بصحبة حلوة ودايمة زي صحبتكم
مشاء الله ربنا يحفظكو كلكو اجمل من بعض وبتحبو بعض فعلا الصاقه شيئ جميل
اكيد
اكيييد
اكييييييييييييد
انا معاك
المرة ديه
في ايام مينفعش تتعاش مع حد تاني
طبعا الصداقة شئ جميل بس اللى يصونها
مستنيين الجدييييييييييد
ربنا يخليكو لبعض وتفضلو صحاب علطول
وتبقى ايامكم كلها حلوة :)
هههههههههه بصى كل ما تكونوا سيمبل اوى فى مظهركوا كل ما تكون النتيجه افضل
بدل ما تحطوا نفسكوا فى الفرن كده هههههههههههههههههه
يااااة
انا متاكدة انى علقتى على البنات الوحشة دى قبل كده
ههههههههههههههههههه
المهم ربنا يخليكوا لبعض
وتفضلوا كده علطول دى بجد نعمة من عند ربنا
الف تحية
اعتزلت التدوين
شكرا انكم قبلتوني في عالمكم الفتره
دي
ويشهد الله كم احببتكم فيه
السلام عليكم
ربنا يديم عليك المحبة و الصداقة
دمتان سالماتان
ربنا يخليكم لبعض يا حلويين :D
الواحد بيقابل على مدى حياته اصحاب كتير فيهم اللى بيفضل معاه وفيهم اللى بيفارقه بس ساعات بتبقى فى صداقات مهما بعدوا بيفضلوا فاكرين بعض بكل خير وعلى اتصال دايما
ده الصديق اللى بجد
بوستك جامد
تحياتى
علاء
كل سنة وانتى طيبة انتى وهى
ربنا يخليكوا لبعض ياارب على طول
احلى حاجه الاصحاب اللى بجد
اللى بيبقوا شبه بعض دول
انتوا عاملين كدا فعلا
شبه بهض اوى
ربنا يديم صداقتكم ياارب ..
كل عام وانت بخير
السلام عليكم ورحمة الله وبركاته
كل عام وانت بالف خير أختى فى الله بمناسبة عيد الفطر المبارك أعاده الله علينا وعلى الأمة الأسلاميه باليمن والبركات
دمتى اختى برعاية الله
تحس أن احنا فى الصومال الحقيرة .. بس برده فى فرق بسيط
مع احترامي لك لكن كلامك به اساءة بالغة لبلدي فهي ليست حقيرة
فهي دولة مسلمة وانا بصفتي صومالي اطالبك بالاعتذار فورا وحذف تلك الجملة من كلامك
وان لم يحدث ذلك فلا اجد غير حسبي الله ونعم الوكيل في من اساء
Post a Comment