بعد أوى عن عينيه ... بعد ماكانت ايديه فى ايديه
.......................................
مينفعش الواحد يعلق نفسه بحد أوى ويعتبر وجوده أمر مسلم به....لأنه مش هيبقاله لطول العمر ... ولما بيروح بتروح معاه حاجات كتير.. مبتنفعش ترجع تانى... للأسف
.......................................
مينفعش الواحد يعلق نفسه بحد أوى ويعتبر وجوده أمر مسلم به....لأنه مش هيبقاله لطول العمر ... ولما بيروح بتروح معاه حاجات كتير.. مبتنفعش ترجع تانى... للأسف
19 comments:
تعرفي يا ريري؟
بجد على قد ما كلامك صح قوي ، على قد ما هو صعب قوي
كنت دايمًا ببقى عارف إن الإنسان ده هيغيب عني في يوم من الأيام ، بس كان بيبقى إحساس صعب قوي لما أتخيل حياتي بعديه .. بعد ما عاش معايا كل ده ، وقدم لي كل السعادة دي في حياتي على حساب جزء كبير من حياته وسعادته هو - أو يمكن كمان كانت سعادته هو إن يشوفني مبسوط ومستمتع بحياتي - بعد كل ده المفروض أقنع نفسي إني متعلقش بيه وأفضل فاكر إني مش هيفضل معايا طول العمر؟؟
حتى لو مش هيفضل معايا وهخسر حاجات كتير بعديه مش هترجع تاني ، يبقى لازم أعيش على قد ما أقدر معاه من غير ما أفكر في أي حاجة جاية .. علشان بعد كده لما يجي لي في حلم وأصحى من النوم وأتمنى لو كان الحلم ده حقيقي وكان معايا فعلاً .. أبقى عارف إني مضيعتش لحظة معاه محسيتش بيها قوي من غير ما أفكر في أي حاجة تاني تضيعها مني
.....
بس للأسف ده محصلش معايا
.....
ياما ضيعت حاجات جميلة كتير كان ممكن أعيشها أحلى من كده
.....
أيوة كده إرجعي إكتبي تاني البوستات الجميلة دي .. وإبقى طولي شوية بقى المرة الجاية
ودة بياكد نظريتى فى ان كل حاجة ليها تاريخ صلاحية
مبروك علي المدونة الجديدة
مع انها جت متاخرة شوية
بصراحة هو مش شوية هي متاخرة كتير
علي العموم مبروك
وهاروق كده واجي اخبط تعليق بجد بقي
للأسف عندك حق ومحدش يقدر يقول حاجة
بس الواحد ميقدرش يتعلق ببعض الاشخاص
والحياة من غير جرح متبقاش حياة
مادام بنحس لازم ننجرح
زي مابنفرح
لازم نتألم
اه وبالمناسبه في ردك على تعليقي انتي كاتبه قوليلي والله انا ولد يعني
male
والله كاتب ده في البروفايل كمان
اما بالنسبه لازاي تخلي اسمك قبل اسمها فاانا معرفش بصراحه
انا لو اعرف اقول على طول
تحياتي
السلام عليكم
اللي اخرني في التعليق اني قعدت أقرأ مدونة زي الهوا كلها -ممتعة قوي-وبعدين لقيت التعليقات مقفولة فيها فجيت هنا وقعدت أقرأ في المدونة كلها وبعدين جيت أعلق أخيرا طبعا مبروك في الأول على إفتتاح المدونة وربنا يجعلها من أنجح المدونات وبالنسبة للبوست ده فأنا أتفق معاكي في الرأي قوي
تحياتي
ينفع بس المهم مين الحد دا ولاي مدى هيعلق نفسه بيه
كلام جميل
كلام معقول
مقدرش اقول حاجة عنه
بكره البعيد يقرب إن شاء الله
:)
مبروك ع المدونه الجديدة
ريرى
ايه يا بنتى انتوا مش شباب دنتوا عواجيز يا ساتر يا ساتر
يبنتى الدنيا مليانة ناس وحاجات حلوة انتوا بس اللى مش بتستنضفوا
ههههههههههههههههههههههه
انتقىىىىىىىىىىىىىىى
عيشى صح فكرى وقررى
اختارى اصحابك مش هما اللى يختاروكى
حطى خطوات لحياتك
1/2/3/
وهكذا حبى الللى يستاهل واللى مش يبقا اوت برة
حبى نفسك واديها حقها الاول يا ريرى
اهم حاجة
دمتى بسلام وتحياتى تخرجى من اللى انتى فيه يا رب
الف مبروك ياستى على المدونة التحفة
وبالنسبة للبوست
انا اشاركك الراى بعدم التعلق الكامل حد الموت بشئ
احبب من شئت فانك مفارقه
واقسى لحظات تقتلنى هى تلك التى افارق فيها احبتى
لك كل تحياتى
...............
نور الدين محمود
هيه دى سنة الحياة ياريهام , بس مشكلتنا زى ما اوسو قالك اننا ممكن نكون عارفين إن الفراق هيجى وبالطبع متأكدين ومؤمنين بالموت , لكن ساعة لما بيجيى مابنقدرش نتعايش مع الموقف
واظن انتى اكتر واحدة كنتى بتقوليلى قبها إن الفراق جاى , لكن للأسف الموقف كان اقوى منك ومننا كلنا
بكرة ياريرى ربنا يرزقك بناس تحبك وتعوضك ولو جزء صغير
عايزة وانا باقرأ البوست الجديد ما ابطلش ضحك زى ايام شمساوى والسرايا
WhItE HeArT :
على فكرة ريرى هيه اللى كاتبة البوست دا , وانا اللى رديت على حضرتك فى البوست اللى فات , انا اسفة جدا والله اصل فى كذا واحدة اسمها هارت , زى هارت ويسبر و هارتات كتيرة كدة , فالوضع اختلط عليا سورى , وماتنساش لما تعرف تقولى اذاى ههههههههه
صح جدا جدا جدا
ولو ضاع الحد ده
او ضيعتو اللي بينكوا
ابدا مش هيرجع لو حتي حاولتو انتو اللي اتنين
كات بتعجبني كلمه كده
الشارع ده رحنا فيه المدرسه .. الباقى منه باقى .. واللى مش باقى اتنسى
عندك حق جداااااااا
انا اكتشفت مؤخرا فعلا مينفعش نعلق نفسنا بحد اوي
مبرووووووووووك يا قمر علي المدونة الجديدة و شكلها هتبقي زي القمر زيك كده يا زي الهوي :))
مبروك ليكي انتي و ريري
و في انتظار ابداعتكواااا
طيب نسمع زغرودة الاول ونوزع الحاجة الساقعة بمناسبة افتتاح المدونة
امممممم
بصى ياستى كلامك صح مية المية
بنقابل ناس
ونفارق ناس
واحسن احساس
هو الذكرى
لما تكون حلوة بتوهبنا
لما تكون وحشة بترهبنا
من كل حياتنا ومن بكرة
هو قدرنا اننا نتعلق بحبايب
فى عنينا وبكرة يكون غايب
ونقابل ناس ونفارق ناس
واجمل احساس هو الذكرى
معلش :)
لا ينفع
وينفع اوي
بس كلوا الناس بقيت تستسهل الحاجة
ازاي الواحد ميعلقيش نفسه بحد
يعني يبطل اخلاص ؟
يبطل وفاء؟
يبطل امل
مش عارف انا متضايق ان كلوا اللي علقوا اكدوا علي الفكرة
بدون ان يفكروا في الاششخاص الاساسين في حياتهم
الاشخاص الذ لا يمكن الحياة بدونهم
عارفة ريري ؟
في ناس كتير عندهم لسه انتماء لمن تحب
بس مش عارف ليه في ناس تانية اسيا اوي
في ناس بتقول انها مش تنفع تعيش من غير ابوها
او اخوها
او حبيها
عارفة انا في غربة
بس بجد صعب اوي اعيش بعيد عن الحاجات ديه
ودايما لازم يكون في تواصل في كل الاوقات مع من اتواصل معها
كمان اذكر مرة ان نسرين قالت لي
ليس الحب ان تعيش مع من تحب
لكن ان تثق انك في قلب من تحب
ليه بقي احنا فقدنا الثقة ديه في حياتنا
ارجو ان تراجعي نفسك
وتصحيح مفاهيم الناس
الحب
الخير
الامل
نسرين
ثقي ان كل هذه المعاني الجميلة مازالت موجودة
:(
كلمات حزينة اوى
ومعاكى حق مينفعش الواحد يعلق نفسه بحد أوى ويعتبر وجوده أمر مسلم به
مع تحياتى
مدونة جميلة اوى
والخلفيةوالصورة جميلة اوى
Post a Comment