زمان كان اللى يعرفنى يقولى انتى تررررررررررررررم .. مجنونة وطفلة ومش شايلة أدنى مسؤولية... مابتصدقى تيجى لحظة فيها ضحك... بتفتحى فيها مبتقفليش
لما واحدة صاحبتى تحيكلى على واحد معجب بيها وقالها كلام كذا.. ادمع فى التليفون ويبقى ناقص أزغرد .... وافضل طول اليوم فرحانة جدا... مش عشان هى صاحبتى بصراحة .. بس بحب أوى اللحظات ديه
كنت حابة اوى شخصيتى كده .. مهما كان كلام اللى حواليا ... كنت بلاقى دايما اللى بيشيل عنى ويدافع ويصلحلى أخطائى
ديه طفلة ... كلمة ماما المشهورة.. لما كنت اعمل حاجة غلط كانت دايما تدافع عنى بالكلمة ديه اتعودت منها انى طفلة ومش من حقى انى أشيل مسؤولية وانى هفضل طول عمرى صغيرة لحد ماتميت 21 سنة
صعب جدا لما تتم 21 سنة .. ولسه تصرفاتك غبية وعفوية وتلقائية فى الزمن اللى احنا عايشين فيه ده.. لأزم الواحد يبقى عنده 40 سنة عشان يعرف يعيش.. وخصوصا لو حد فى موقفى
تصرفاتى تلقائية أوى .. بدون أدنى تفكير... ساذجة جداااااااااا وبصدق أى حد يقولى أى حاجة سب.... حوالى 5 شغلانات عشان المسؤولية.. من غير ماافكر فى أن الميزانية ممكن تبوظ ولا الراجل صاحب الشغل هعمله دروب فى الشغل....بخاف يحصل مشكلة فى الفلوس أو اى حاجة أكون مسؤولة عنها...
مديرى بيقولى انا مش عارف انتى ازاى هتتجوزى وتشيلى مسؤولية وتبقى أم ومسؤولة عن أرواح
حتى الحب ... اللى هو أحلى حاجة فى الدنيا .. اللى هو الواحد مابيصدق يلاقيه عشان ينسى حاجات كتير تانية... بهرب منه أول مااحس أن فى حاجة هتحصل بهرب منها بأى مبررات ... يمكن خايفة من الجواز والمسؤولية.. خايفة قلبى يتعلق بحد تانى ويسيبه بعد كده
مش براعى أختى الكبيرة والمسؤولية المنيلة اللى شايلاها... عايزاها تبقى زى ماما بالظبط .. بس غصبا عنها مش هتقدر .. مش مقدرة ده ... ممكن تعدى عليا يومين او تلات ايام نوم بس.. هروب من اللى انا فيه .. جبانة
للأسف اتدلعت أوى وانا صغيرة.. واتحطيت دلوقتى فى موقف معاااكس تماما .. ولازم أكون ولازم أعتمد على نفسى وأعمل ده وده وده لحد دلوقتى لسه برمى المسؤولية على اخواتى الكبار وكل شوية أقولهم انا صغيرة .. صغيرة ايه انتى عندك 21 سنة
لحد أمبارح ...أمبارح كنت فى فرح واحدة صاحبتى.. أختها الأخيرة ربنا كرمها واتجوزت... قعدت تعيط عشان هتروح البيت لوحديها لقيت نفسى جيه فى بالى.. .ده انا هيجى عليا يوم أروح فيه البيت .. .أونلى مى
نفسى أبقى زى الناس اللى بتعتمد على عقلها وقلبها شالته وحطيت مكانه حجارة من زمااااااااااان
لما واحدة صاحبتى تحيكلى على واحد معجب بيها وقالها كلام كذا.. ادمع فى التليفون ويبقى ناقص أزغرد .... وافضل طول اليوم فرحانة جدا... مش عشان هى صاحبتى بصراحة .. بس بحب أوى اللحظات ديه
كنت حابة اوى شخصيتى كده .. مهما كان كلام اللى حواليا ... كنت بلاقى دايما اللى بيشيل عنى ويدافع ويصلحلى أخطائى
ديه طفلة ... كلمة ماما المشهورة.. لما كنت اعمل حاجة غلط كانت دايما تدافع عنى بالكلمة ديه اتعودت منها انى طفلة ومش من حقى انى أشيل مسؤولية وانى هفضل طول عمرى صغيرة لحد ماتميت 21 سنة
صعب جدا لما تتم 21 سنة .. ولسه تصرفاتك غبية وعفوية وتلقائية فى الزمن اللى احنا عايشين فيه ده.. لأزم الواحد يبقى عنده 40 سنة عشان يعرف يعيش.. وخصوصا لو حد فى موقفى
تصرفاتى تلقائية أوى .. بدون أدنى تفكير... ساذجة جداااااااااا وبصدق أى حد يقولى أى حاجة سب.... حوالى 5 شغلانات عشان المسؤولية.. من غير ماافكر فى أن الميزانية ممكن تبوظ ولا الراجل صاحب الشغل هعمله دروب فى الشغل....بخاف يحصل مشكلة فى الفلوس أو اى حاجة أكون مسؤولة عنها...
مديرى بيقولى انا مش عارف انتى ازاى هتتجوزى وتشيلى مسؤولية وتبقى أم ومسؤولة عن أرواح
حتى الحب ... اللى هو أحلى حاجة فى الدنيا .. اللى هو الواحد مابيصدق يلاقيه عشان ينسى حاجات كتير تانية... بهرب منه أول مااحس أن فى حاجة هتحصل بهرب منها بأى مبررات ... يمكن خايفة من الجواز والمسؤولية.. خايفة قلبى يتعلق بحد تانى ويسيبه بعد كده
مش براعى أختى الكبيرة والمسؤولية المنيلة اللى شايلاها... عايزاها تبقى زى ماما بالظبط .. بس غصبا عنها مش هتقدر .. مش مقدرة ده ... ممكن تعدى عليا يومين او تلات ايام نوم بس.. هروب من اللى انا فيه .. جبانة
للأسف اتدلعت أوى وانا صغيرة.. واتحطيت دلوقتى فى موقف معاااكس تماما .. ولازم أكون ولازم أعتمد على نفسى وأعمل ده وده وده لحد دلوقتى لسه برمى المسؤولية على اخواتى الكبار وكل شوية أقولهم انا صغيرة .. صغيرة ايه انتى عندك 21 سنة
لحد أمبارح ...أمبارح كنت فى فرح واحدة صاحبتى.. أختها الأخيرة ربنا كرمها واتجوزت... قعدت تعيط عشان هتروح البيت لوحديها لقيت نفسى جيه فى بالى.. .ده انا هيجى عليا يوم أروح فيه البيت .. .أونلى مى
نفسى أبقى زى الناس اللى بتعتمد على عقلها وقلبها شالته وحطيت مكانه حجارة من زمااااااااااان
24 comments:
الزمن هيخليكى تشيليها , وانا اصلا حساكى ابتديتى تأقلمى نفسك , بس مشكلتك ياريهام إن يوم ما مابقيتى اودام مسئولية ماكانتش مسئولية صغيرة , عارفة لو كانت كبرت بالتدريج؟؟؟ كنتى هتكبرى معاها
لكن للأسف هيه كبرت بسرعة ومرة واحدة , وانتى لسة بتأقلمى نفسك على تحمل المسئولية بالتدريج وبالتالى حسه نفسك لسة صغيرة
ثم خدى هنا انتى قعدتى لغاية لما العروسة مشيت ؟؟؟؟؟؟؟ هههههههههههه , تلاقيكى واللخ خرجتى استنيتى اخواتك فى الحوش كمان
اهوه الموقف دا بقى ياريرى بالذات هوه اللى فكرنى بفرح سماح , ما اصل انا حضرته للاخر
يااااااااااااااه يا ريري حرام عليكي قلبتي عليه المواجع
انا مختلفش عنك كتير علي فكره بهرب
بالنوم مبعرفش اشيل مسؤليه لما بحس
ان في حب جاي ف الطريق بهرب
بس عشان خايفه اني اتجرح واتساب
لما شلت مسؤليه حيوانات الحمد لله اتشوهو مش ماتو بس ههههه
بس صدقيني الايام بتعلم كتير بس يكون في اصرار انك تتعلمي كون عندنا قلب كبير وعوفوي ده مش غلط بالعكس بس الغلط اننا نتمادي وننسي اننا ف زمان ليه اولويات لازم نتعلمها اقسي علي نفسك يا قمر واتعلمي خلي الضربه اللي مش تكسرك تقويكي والغلط يعلمك ومش يعدي عليكي مرور الكرام كده اه مهو انا كنت كده بس اديني بتعلم وفي تقدم نوعا ما :)
معرفش اذا كان كلامي صح ولا غلط بس انا قررت اني مش هقضي عمر اهرب سواء كان من مشاكل او مسؤليه بيني وبينك احساس صعب انك تغصبي علي نفسك حاجه بس النتايج ده ديما بتخليني فرحانه بنفسي وبتزود ثقتي ف نفسي مش مهم اذا كنت فشلت ف تحمل المسؤليه او اني اعمل حاجه بس التجربه خلتني ابقي عارفه المره الجايه هعمل ايه بظبط
سوري علي التطويل ديما انا كده مزعجه معلش بقي اختك الثغننه
(اموشن مكسوف )
..زمان كان أحلى
..صعب تلاقي حد هيقول لك كده طبعًا
هتلاقي كل الناس تقول لك إعتمدي على نفسك وإتعلمي وفكري بجد وإتحملي المسئولية والكلام اللي أنا بكرهه ده كله
بس أنا عاوز أقول لك إن ريري الطفلة أحلى ويا ريت تفضل موجودة
إزاي بقى والمسئولية دي توديها فين؟
فيه أطفال يا ريهام بيفرحوا جدا لما يلاقوا نفسهم بيتحملوا المسئولية لفترة
بيعتمدوا على نفسهم وبيركزوا لغاية ما بينجحوا
بس بيفضل من جواه طفل بيحب حياته زي ما هي وعاوز يرجع في أي لحظة فراغ طفل زي ما كان
..فيه شخصية جميلة قوي جوا كل واحد مننا
هي اللي بتتكلمي عنها اللي مش بتعرف تكون مسؤولة عن أي حاجة بجد
..حرام نموتها علشان الدنيا ضغطت علينا مهما ضغطت
..علشان هي اللي ممكن تسلينا وتخلينا نكمل
كتير قوي كنت بتعب جدًا من اللي بيحصل لي لغاية ما أفتكر الآية اللي بتقول: "لقد خلقنا الإنسان في كبد" .. ساعتها أقولها لنفسي وآخد نفس طويييييييييل وأحس إني في الدنيا مش في الجنة ولازم تكون فيه مشاكل
بقول لنفسي جدي في يوم من الأيام كان في سني وحصلت معاه مشاكل كتير زي كده لغاية ما وصلت أنا للدنيا لقيته عامل أسرة جميلة وبيت وجو مش هيتعوض تاني .. وذكريات جميلة قوي عشتها معاه
..أرجع أقول لنفسي ممكن الحياة بعد كده تكون أحلى
..خلي الطفلة موجودة يا ريري .. أوعي تقتليها
..أوعي تشيلي قلبك وتحطي مكانه أي حاجة
..بس حاولي تعملي توازن على قد ما تقدري
..وإستحملي شوية بس
نفسى أبقى زى الناس اللى بتعتمد على عقلها وقلبها شالته وحطيت مكانه حجارة من زمااااااااااان
لا طبعا اكيد ديه مش رغبتك الحقيقة
طب لو حصل كده هتسفيدي ايه ريري؟
ماذا يفيد المرء ان يكسب العالم
ويخسر نفسه؟
ارجو ان تعيد التفكير
انتي فيكي كتير حاجات حلوة
ليه عايزة تغيري الاجمل فيها
المسئولية ليس لها علاقة بقسوة القلب
اتعلمي واعتدي علي نفسك بسرعة
بس بدون ان تفقدي حنانك وعطفك علي الاطفال مثلا
عشان فيه ناس كتيرة اكيد محتاجين قلبك ريري
محدش محتاج الحجارة اللي مكانه
لسلام عليكم
ده اول كومنت في المدونة الجديدة ومبروك عليكو
موضوعك ي ريري واقعي جدا
كلنا بنخاف من اننا نتحمل المسئولية رغم ان في ناس الظروف بتخليهم مضطرين يشيلو المسئولية من بدري
عارفة التلقائية اللي قولتي عليهاوان تصرفاتك دي طيبة منك
بس حكاية انك تشيلي قلبك ونحطي مكانه حجر مش موافقاكي عليها
ممكن تعملي كده في ظروف معينة
قلبك هو اللي بيخليكي تتعاطفي مع اللي قدامك
التغيير بيجي بالتدريج بس عايز صبر
ربنا يوفقك
وليه عايزة تتغيري انا شايف انك تبان مش شايل هم وانته فاهم وعاقل وعارف ايه اللي بيدور حواليك والناصس بتشوفك ازاي بس المهم انتي ايه مش مهم الناس فاكرين ايه
انا بتعامل مع الناس بنفس طبيعتك بالظبط بس في وقت الجد بشيل المسؤولية وبقلب ذئب بشري
هههههههههههههههههه
دمتي بكل الود ومدونة جميله
هو في فرق بين الجرأه والقسوه ..
يعني اكيد لازم يكون القلب جرئ عشان يتخد بعض القرارات الهاهه في حياته ويقدر يتحمل نتايج قراراته
اما بالنسبه للقسوه مش عارف الانسان الافضل يتعلم ولو بعض القسوه عشان ميعيش طول حياته موجوع من الحب والفراق وتقلبات المشاعر ,عشان مخليش عواطفه تقوده..
بس اقولك حاجه جميل الروح لما تفضل محتفظه بشقاوتها وطفولتها وياريت تقدري انك تحققي المعادله دي
سلاممممممم
زى الهوا: المشكلة أنى فعلا زى ماقلتى اتحطيت فى الموقف ده فجاة من غير اى تمهدي .. الحمد لله
ده انا كنت امورة بغباء فى الفرح ... بعد ماخرجنا قعدت والله اتفرج على نفسى ادام المراية بتاعت القاعة والناس تتفرج عليه...هههههههههههههه
ريهام العربى.. كلمك مصعب أوى.. خصوصا لما الواحد بيفشل فى المسؤولية ...احساس صعب جداااااااا
ثانكس على مرورك :)
أوسو: أزيك؟ ؟ أخبار الكتابة على الورق الضايع ايه !!!
مش هترجع المدونة بقى !!!
هحاول مموتنيش :)
ساعد نسرين الأيمن:
ماذا يفيد المرء ان يكسب العالم
ويخسر نفسه؟
كلامك حلو جداااااااا .... هحاول ..بس بجد بقى صعب أوى فى الزمن اللى احنا عايشين فيه ده
بلو نايل:
الله يبارك فيكى.. ميرسى على مرورك :)
وايت هارت:
مشكلتى بقى انى بتعامل بالعفوية ديه فى كل حاجة.. حتى فى الجد
الفارس الملثم:
الاسم حلو أوى... بس معادلة صعبة جدا
مش ذنبك انك عفوية وعلى نياتك وقلبك طيب العيب في الناس اللى اتبدل احساسها وطباعهل لللأسوء
مش لازم نندم على شئ حلو فينا
بيدو
حبيبى الموضوع مش حكاية انك مش قد المسؤلية
كل الحكاية انك خايفة منها
لانك ماتعودتيش عليها
بس مع الوقت هتقدرى تتعودى وتبقى واحده يعتمد عليها بجد
وبعدين اصلا المسؤلية دى احلى حاجه فى الدنيا
لما تشيلى مسؤلية حياة كاملة احساس فى منتهى الروعة
يعنى تلاقى نفسك حد جدع اوى
عارف يفكر وعارف يتصرف
هتحبيها قدام وهتقولى ياريتنى شلت مسئولية كل حاجه من زمان
مين قال ان الناس اللى بتعرف تعتمد على نفسها وبتعرف تشيل مسؤؤلية ناس شايلة قلبها وحاطة مكانه حجارة؟؟؟؟؟؟؟؟؟؟؟؟؟؟؟؟؟؟
حرام عليكي ..أنا ما صدقت هديت شوية
لازم تفكريني؟
قرف يقرفك يا ريهام .. دمعتيلي عينيا و ماما كانت واقفة جنبي و بتكلمني
بس ايه رأيك فيا و أنا بعيط؟
تاني مرة تشوفيني .. فاكرة المرة الأولى :)
-------------------------------
انتي فاكرة إنك هاتبقي مرتاحة لو لقيتي مكان قلبك حجر؟
بتحلمي!!
يابنتي والله القلب ده نعمة .. حافظي عليها و قدّريها حق قدرها
هوه الموضوع شكله صعب
وبالذات لما الواحد ميكنش متربى على تحمل المسؤلية
والطبع بيغلب التطبع
صح؟؟
لا مش صح اوى
هوه الموضوع ان الواحد كده كده
هيضطر يشيل المسؤلية
غصب عنه كده كده
لما يتحط فى مواقف بتفرض عليه ده
صح؟؟
لا برده مش صح اوى
كل واحد مفروض يدرب نغسه انه يشيل المسؤلية
حتى لو مسؤلية حاجة صغيرة
ممكن يفشل فى البداية وده احتمال كبير
بس مع الوقت هيقدر
لازم الواحد يربى نفسه من جديد على الحجات اللى كان مفروض يتربى عليها
مش يقول انا اتربيت عليها ومش هقدر اعمل حاجة
وعلى فكر مش انت لوحدك اللى كده
فى ناس كتير اواكبر من21 سنة بكتير ومش بيعرفوا يشيلوا المسؤلية
ولو شوفتى مسلسل حمادة عزو
كان بيناقش الموضوع ده
وهوه مكنش شخصية خيالية
ده فيه منوا كتير اوى
فكل واحد يلحق نفسه من دلوقتى
بقة
وان شاء الله خير
مش معنى ابدا انك علشان تعتمدي على عقلك انك تشيلي قلبك وتحطي بداله حجارة
ممكن تعتمدي عليهم هما الاتنين او تحكمي عقلك وف نفس الوقت ماتجيش على قلبك
عيب المشاعر انها مالهاش لجام مالهاش حلول علشان كدة ربنا خلقلنا فوق القلوب عقول,,, بس
البلوج بتاعتك لذيذة خالص مالص على فكرة,, اصل دي اول زيارة ليا عندك
miro el niro kwaniro
بصى حبى نفسك وخلاص
يعنى هتعملى ايه يعنى
صحيح الدنيا هتعملك
بس انا كمان كده على فكره
لغاية دلوقتى بتصرف تصرفات عيال بس بحب ده فيا مع ان كل اللى حواليا شايفينه وحش وغلط
حتى خطيبى قالهالى انتى مش هتكبرى بقى
حبى نفسسسسسسسسسسسسك
مش وحش ان الانسان يتصرف على طبيعته وبعفويه بس فعلا لازم تعرفى ان كل سن وليه مسئولياته لاننا كلنا راع وكل واحد مسئول عن رعيته زى ما قالنا رسولنا الكريم
وانا ملاحظه انك حساسه يمكن شويه بس
طفولتلك دى مش عيب فيكى ابدا
انتى بس محتاجه انك تعرفى مسئوليات وطبيعى هتلاقى نظرتك للامور هتختلف كتير
انا بحس من الاربعينات
مليش فى القرن العشرين ولا ماعرف
سبيها لله
اهى ماشية
واحنا عايشين
ويوم كدة ويوم كدة
اتفرجى على قلب جرئ لمصطفى قمر و هتبقى فل :P
Post a Comment